Johannes Kleppevik Minnepris er oppretta for å heidre Johannes Kleppevik, og i hans navn også heidre andre som ivrar for kystkulturen. Johannes nytta musikk for å formidle strilakulturen og kystkulturen, som han sette sånn pris på.
Johannes Kleppevik Minnepris skal delast ut til einskildpersonar, lag og organisasjonar som på ein framifrå måte fremjar kystkulturen i Hordaland.
Vi treng hjelp til å finne fram til kandiatar som på same måte som Johannes Kleppevik ivrar for kystkulturen, anten det er i form av musikk, kulturarv, fartøyvern eller kulturminnevern.
Er det ein trubadur, mann eller kvinne, som har vore særleg flink å formidle kystkulturen, eller eit kor eller lag som særleg finn sin inspirasjon i musikkarv og kystkultur, eller i form av song, ord, fortelling eller tradisjonar.
Er det ei forening som i lang tid har jobba for å ta vare på delar av kystkulturen i fast form, som båt, bygning eller miljø.
Vi treng din hjelp til å finne fram til eldsjelar!
Send inn framlegg for din kandidat, og grunngje kvifor akkurat ho, han eller dei fortener å ærast.
Framlegget skal stilast til Sund kommune, Kultureininga, Pb 23, 5371 Skogsvåg
eller
postmottak@sund.kommune.no
johanneskleppevikminnepris 